BIG Dividend: Bajaj Holdingsના રોકાણકારોને બખ્ખાં, દરેક શેર પર આપશે ₹65 ડિવિડન્ડ

Bajaj Holdings and Investmentના શેરધારકો માટે મોટું અપડેટ આવ્યું છે. કંપનીએ નાણાકીય વર્ષ 2026-27 માટે દરેક શેર પર ₹65નો અંતરિમ ડિવિડન્ડ જાહેર કર્યો છે. કંપનીના ₹10 ફેસ વેલ્યુ ધરાવતા દરેક શેર પર ₹65નું ડિવિડન્ડ એટલે ફેસ વેલ્યુના આધારે 650% ડિવિડન્ડ. કંપનીના બોર્ડ ઓફ ડિરેક્ટર્સની 15 સપ્ટેમ્બર 2026ના રોજ મળેલી બેઠકમાં આ અંતરિમ ડિવિડન્ડને મંજૂરી આપવામાં આવી હતી.

21 સપ્ટેમ્બર છે રેકોર્ડ ડેટ

ડિવિડન્ડ મેળવવા માટે રોકાણકારો માટે સૌથી મહત્વની તારીખ 21 સપ્ટેમ્બર 2026 છે. કંપનીએ આ દિવસને રેકોર્ડ ડેટ નક્કી કરી છે. આ તારીખના આધારે નક્કી થશે કે કયા શેરધારકો ₹65 પ્રતિ શેરના અંતરિમ ડિવિડન્ડ માટે પાત્ર રહેશે. એટલે રોકાણકારોએ ડિવિડન્ડની જાહેરાત સાથે રેકોર્ડ ડેટ પર પણ ધ્યાન રાખવું જરૂરી છે.

13 ઓક્ટોબર સુધી ડિવિડન્ડ મળશે

કંપનીએ ડિવિડન્ડની ચુકવણી માટેની સમયમર્યાદા પણ જાહેર કરી છે. પાત્ર શેરધારકોને ₹65 પ્રતિ શેરનો અંતરિમ ડિવિડન્ડ 13 ઓક્ટોબર 2026 અથવા તે પહેલાં તેમના ખાતામાં જમા કરવામાં આવશે. આ રીતે કંપનીએ ડિવિડન્ડની રકમ, રેકોર્ડ ડેટ અને ચુકવણીની સમયમર્યાદા ત્રણેય બાબતો સ્પષ્ટ કરી છે.

આ પણ વાંચો: પ્રણવ કન્સ્ટ્રકશનનું 33 ટકા પ્રીમિયમે લિસ્ટિંગ, નોંધણી પછી શેરમાં નવી ટોચથી 16 ટકા ઘટાડો

શું શેરના ભાવમાં દેખાઈ અસર ?

કંપનીએ ડિવિડેન્ડની જાહેરાત કર્યા બાદ શેરનાં ભાવમાં કોઈ ફેરફાર જોવા મળ્યો ન હતો. કંપનીનો શેર 15 સપ્ટેમ્બરે 0.22% ઘટીને 11,110ના સ્તરે બંધ થયો હતો.