ક્રૂડ ઓઇલમાં તેજીનો ભડકો! વેસ્ટ એશિયા તણાવ વચ્ચે બ્રેન્ટ $106ને પાર

વેસ્ટ એશિયામાં ચાલી રહેલા સંઘર્ષ અને વૈશ્વિક સપ્લાય અંગેની ચિંતાઓ વચ્ચે કાચા તેલના ભાવમાં ફરી તેજી જોવા મળી છે. મંગળવારે 29 સપ્ટેમ્બર 2026ના રોજ ક્રૂડ ઓઈલના ભાવમાં સતત બીજા દિવસે વધારો નોંધાયો હતો. બજારમાં મુખ્ય ધ્યાન અમેરિકા-ઈરાન વચ્ચેની વાતચીત, સઉદી અરેબિયા અને હૂતી વચ્ચેના તણાવ તથા મહત્વપૂર્ણ ઓઈલ ટ્રેડ રૂટ હોર્મુઝ જળમાર્ગ પર છે.

બ્રેન્ટ અને WTI ક્રૂડમાં વધારો

આંતરરાષ્ટ્રીય બેન્ચમાર્ક બ્રેન્ટ ક્રૂડની નવેમ્બર ડિલિવરી વાયદા કિંમત 1.22% વધીને $106.56 પ્રતિ બેરલ પહોંચી છે.બીજી તરફ અમેરિકન WTI ક્રૂડ વાયદામાં પણ 1%થી વધુનો વધારો નોંધાયો છે અને ભાવ $93.57 પ્રતિ બેરલ સુધી પહોંચ્યો છે. વેસ્ટ એશિયામાં લાંબા સમય સુધી સંઘર્ષ ચાલુ રહેવાની ચિંતાને કારણે બજારમાં સપ્લાય રિસ્ક અંગે ચિંતા વધી છે.

અમેરિકા-ઈરાન વચ્ચે વાતચીત પર નજર

અમેરિકા અને ઈરાન વચ્ચે સંઘર્ષ સમાપ્ત કરવા માટે મધ્યસ્થો દ્વારા અલગ-અલગ સ્તરે વાતચીત ચાલી રહી છે. અહેવાલ મુજબ, ઈરાનના વિદેશ મંત્રી અબ્બાસ અરાઘચીના જણાવ્યા અનુસાર ન્યૂયોર્કમાં કતરના મધ્યસ્થો મારફતે અમેરિકા અને ઈરાન વચ્ચે પરોક્ષ વાતચીત થઈ હતી. બજાર વિશ્લેષકોનું કહેવું છે કે જો વાતચીતમાં મહત્વપૂર્ણ પ્રગતિ થાય તો ક્રૂડ ઓઈલના ભાવમાં ઘટાડો આવી શકે છે.

સઉદી-હૂતી તણાવ અને હોર્મુઝ જળમાર્ગ પર નજર

તણાવ ઘટાડવાના પ્રયાસો છતાં ઓઈલ માર્કેટમાં ઊર્જા ઈન્ફ્રાસ્ટ્રક્ચર અને તેલની અવરજવર અંગે ચિંતા યથાવત છે. મહમૂદ મશાલના જણાવ્યા અનુસાર સઉદી અરેબિયા અને હૂતી વચ્ચે ફરી વધેલા તણાવને કારણે બજારમાં ચિંતા છે. આ ઉપરાંત હોર્મુઝ જળમાર્ગ પર પણ બજારની ખાસ નજર છે. યુદ્ધ પહેલાં વિશ્વની લગભગ 20% તેલ સપ્લાય આ મહત્વપૂર્ણ સમુદ્રી માર્ગ પરથી પસાર થતી હતી.

ટ્રમ્પે ઈરાનના પ્રસ્તાવને નકાર્યો

અમેરિકાના રાષ્ટ્રપતિ ડોનાલ્ડ ટ્રમ્પે હોર્મુઝ જળમાર્ગ ફરી ખોલવા માટે ઈરાન દ્વારા રજૂ કરવામાં આવેલા શરતી પ્રસ્તાવને નકારી કાઢ્યો હતો. આ ઘટનાક્રમ વચ્ચે બજાર વૈશ્વિક રાજકીય સ્થિતિ અને ક્રૂડ ઓઈલ સપ્લાય પર તેની અસર પર નજર રાખી રહ્યું છે.

આ પણ વાંચો : તહેવારો પહેલાં ખાંડ સંકટ! શેરડીનું ઉત્પાદન ઘટતાં નિકાસ પર બ્રેક

આ પણ જુઓ :

Watch onYouTube