Gold Price : સોના-ચાંદીમાં મોટો કડાકો! જાણો તમારા શહેરમાં આજનો લેટેસ્ટ ભાવ!

સોના-ચાંદીના ભાવમાં છેલ્લા કેટલાક સમયથી સતત ઉતાર-ચઢાવ જોવા મળી રહ્યો છે. ક્યારેક ભાવમાં તેજ ઉછાળો આવે છે તો ક્યારેક ઘટાડો નોંધાય છે. 7 ઓક્ટોબરના વેપારમાં આંતરરાષ્ટ્રીય બજારથી લઈને સ્થાનિક બજાર અને MCX સુધી સોના-ચાંદી બંનેના ભાવમાં નબળાઈ જોવા મળી છે.

Comex પર સોનું અને ચાંદી સસ્તાં

આંતરરાષ્ટ્રીય બજારમાં Comex પર સોના અને ચાંદી બંનેના ભાવમાં ઘટાડો નોંધાયો છે. ઉપલબ્ધ આંકડા અનુસાર સોનું 0.41% ઘટીને $4,169.90 પ્રતિ ઔંસ પર પહોંચ્યું છે. બીજી તરફ, ચાંદીના ભાવમાં 0.78%નો ઘટાડો થયો છે અને તે $61.110 પ્રતિ ઔંસ પર ટ્રેડ થઈ રહી છે.

સ્થાનિક બજારમાં પણ ભાવમાં ઘટાડો

સ્થાનિક બુલિયન માર્કેટમાં પણ સોના-ચાંદીના ભાવમાં ઘટાડો જોવા મળ્યો છે. બજાર ખુલ્યા બાદ સોનું આશરે ₹1.49 લાખ પ્રતિ 10 ગ્રામની આસપાસ ટ્રેડ થતું જોવા મળ્યું હતું. ચાંદીના ભાવ પણ ઘટીને આશરે ₹2.26 લાખ પ્રતિ કિલોગ્રામની આસપાસ ટ્રેડ થતા જોવા મળ્યા હતા.

તમારા શહેરમાં શું ભાવ છે?

ગુજરાતના સુરત, અમદાવાદ, રાજકોટ, જામનગર, ભાવનગર, જૂનાગઢ, સુરેન્દ્રનગર અને દાહોદ સહિતના તમામ મુખ્ય શહેરોમાં સોનાના ભાવ એકસમાન સપાટી પર સ્થિર જોવા મળ્યા છે. સ્થાનિક બજારોમાં 10 ગ્રામ દીઠ 18 કેરેટ સોનાની કિંમત ₹1,12,730, અને 22 કેરેટ સોનાની કિંમત ₹1,37,760 તેમજ શુદ્ધ 24 કેરેટ સોનાનો ભાવ ₹1,50,280 નોંધાયો છે. સમગ્ર રાજ્યના મુખ્ય કેન્દ્રોમાં ભાવમાં કોઈ પ્રાદેશિક તફાવત જોવા મળ્યો નથી, જેના કારણે તમામ શહેરોમાં ખરીદદારો માટે સોનાના દર સમાન સ્તરે ઉપલબ્ધ બન્યા છે.

MCX પર સોનું ₹500 અને ચાંદી ₹1,300 ઘટી

મલ્ટી કોમોડિટી એક્સચેન્જ (MCX) પર સોનું ₹500 ઘટીને ₹1,49,661 પ્રતિ 10 ગ્રામ પર ટ્રેડ થઈ રહ્યું હતું. ચાંદીમાં પણ ઘટાડો જોવા મળ્યો હતો. MCX પર ચાંદી ₹1,300 ઘટીને ₹2,26,101 પ્રતિ કિલોગ્રામ પર પહોંચી હતી.

બજાર ખુલ્યા બાદ 24 કેરેટ સોનું આશરે ₹1,49,780 પ્રતિ 10 ગ્રામ, 22 કેરેટ સોનું આશરે ₹1,37,298 પ્રતિ 10 ગ્રામ અને 18 કેરેટ સોનું આશરે ₹1,12,345 પ્રતિ 10 ગ્રામની આસપાસ ટ્રેડ થતું જોવા મળ્યું હતું. ભારતમાં ચાંદીનો ભાવ આશરે ₹2,26,410 પ્રતિ કિલોગ્રામ રહ્યો હતો.

આ પણ વાંચો : Asian Markets: મોંઘા ક્રૂડે બગાડી બાજી! $101 ક્રૂડ અને બોન્ડ યીલ્ડથી રોકાઈ તેજી

આ પણ જુઓ :

Watch onYouTube