રૂપિયાના સ્તરની ચિંતા છોડો, ભારતે અર્થતંત્રને મજબૂત કરવા પર ભાર મુકવો જોઈએ: ઉદય કોટક

Kotak Mahindra Bankના સ્થાપક ઉદય કોટકે કહ્યું છે કે રૂપિયાના દરેક ઉતાર-ચઢાવને નિયંત્રિત કરવાની જગ્યાએ તેને બજારમાં પોતાનું સ્તર શોધવા દેવું જોઈએ. તેમના મતે ભારતે રૂપિયાના સ્તર અંગે વધારે ચિંતા કરવા કરતાં અર્થતંત્રની મૂળભૂત શક્તિઓ મજબૂત કરવા પર ધ્યાન આપવું જોઈએ.

સ્પર્ધાત્મકતા સૌથી મહત્વની

ઉદય કોટકે કહ્યું કે ભારતે વૈશ્વિક સ્તરે વધુ સ્પર્ધાત્મક બનવું પડશે. તેમના જણાવ્યા મુજબ ભારતીય અર્થતંત્ર માટે કાર્યક્ષમતા વધારવી, ખર્ચ પર નિયંત્રણ રાખવું અને ઉત્પાદનક્ષમતા સુધારવી મહત્વપૂર્ણ છે.

આત્મનિર્ભરતા પર ભાર

ઉદય કોટકે આત્મનિર્ભરતા મજબૂત કરવાની જરૂરિયાત પણ વ્યક્ત કરી. તેમણે કહ્યું કે દેશે એવી ક્ષમતા ઊભી કરવી જોઈએ કે મહત્વપૂર્ણ ક્ષેત્રોમાં બહારના દેશો પરની નિર્ભરતા ધીમે ધીમે ઘટાડી શકાય.

સંશોધન અને ઇનોવેશનમાં વધુ રોકાણ

કોટકના જણાવ્યા મુજબ ભારતે Research અને Innovationમાં વધુ રોકાણ કરવું જરૂરી છે. તેમના મતે લાંબા ગાળે અર્થતંત્રને મજબૂત બનાવવા માટે નવી ટેક્નોલોજી, સંશોધન અને નવા ઉદ્યોગોની ક્ષમતા વિકસાવવી મહત્વપૂર્ણ રહેશે.

આ પણ વાંચો: નાના વેપારીઓને UPI પેમેન્ટ પર મોટી રાહત, SBIનો MDR ચાર્જ ઝીરો!

રૂપિયાની ચાલ કરતાં અર્થતંત્રની શક્તિ મહત્વની

કોટકના મતે રૂપિયો કેટલા સ્તરે રહે છે તે કરતાં વધુ મહત્વનું એ છે કે ભારતીય અર્થતંત્ર કેટલું સ્પર્ધાત્મક અને મજબૂત બને છે. જો દેશ કાર્યક્ષમતા, આત્મનિર્ભરતા અને ઇનોવેશનમાં સુધારો કરે તો લાંબા ગાળે તેની અસર અર્થતંત્ર અને ચલણ બંને પર જોવા મળી શકે છે.

આ પણ જુઓ

Watch onYouTube