Upcoming IPO: Ekaa Electronicsએ IPO માટે સેબીમાં DRHP ફાઇલ કર્યા, જાણો કેટલા કરોડ કરશે એકત્ર?

ભારતીય કન્ઝ્યુમર ઇલેક્ટ્રોનિક્સ અને હોમ એપ્લાયન્સિસ મેન્યુફેક્ચરિંગ ક્ષેત્રમાં કાર્યરત Ekaa Electronics India Limitedએ શેરબજારમાં લિસ્ટિંગ માટે પ્રથમ પગલું ભર્યું છે. કંપનીએ પ્રસ્તાવિત IPO માટે માર્કેટ રેગ્યુલેટર સેબી સમક્ષ ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યા છે.

કેટલા કરોડનો IPO લાવશે?

કંપની આ IPO દ્વારા કુલ ₹925 કરોડ સુધીનું ભંડોળ એકત્ર કરવાની યોજના ધરાવે છે. આમાં ₹725 કરોડ સુધીના નવા ઇક્વિટી શેરનો ફ્રેશ ઇશ્યૂ અને ₹200 કરોડ સુધીનો ઓફર ફોર સેલ (OFS) સામેલ છે.

IPOમાંથી મળેલી રકમનો ઉપયોગ ક્યાં થશે?

Ekaa Electronics IPOમાંથી મળનારી ચોખ્ખી રકમનો ઉપયોગ કંપનીના બાકી દેવાની ચુકવણી, દૈનિક કામગીરી માટે વર્કિંગ કેપિટલની જરૂરિયાત અને સામાન્ય કોર્પોરેટ હેતુઓ માટે કરવામાં આવશે. કંપનીએ જણાવ્યું છે કે IPO બાદ તેના શેર BSE અને NSE પર લિસ્ટ કરવાની યોજના છે.

કયા ક્ષેત્રમાં કામ કરે છે Ekaa Electronics?

Ekaa Electronics એક ઇન્ટિગ્રેટેડ ઓરિજિનલ ડિઝાઇન મેન્યુફેક્ચરર (ODM) અને ઓરિજિનલ ઇક્વિપમેન્ટ મેન્યુફેક્ચરર (OEM) કંપની છે. કંપની કન્ઝ્યુમર ઇલેક્ટ્રોનિક્સ અને હોમ એપ્લાયન્સિસ સેક્ટરમાં વિવિધ પ્રોડક્ટ્સનું ઉત્પાદન કરે છે. તેમાં LED TV, સેમી-ઓટોમેટિક વોશિંગ મશીન, વોશર, મલ્ટિમીડિયા સ્પીકર્સ, ઇન્ડક્શન અને ઇન્ફ્રારેડ કૂકટોપ્સ, પર્સનલ તથા કોમર્શિયલ એર કૂલર્સ અને સ્માર્ટ ડિસ્પ્લેનો સમાવેશ થાય છે.

ઝડપથી વધી રહેલા મેન્યુફેક્ચરિંગ બિઝનેસનો દાવો

કંપનીના જણાવ્યા અનુસાર, તે B2B આધારિત ODM કંપની છે અને નાણાકીય વર્ષ 2025થી 2026 દરમિયાન તેની આવકમાં 146.07% વૃદ્ધિ નોંધાઈ છે. કંપની ભારતીય કન્ઝ્યુમર ઇલેક્ટ્રોનિક્સ અને એપ્લાયન્સ મેન્યુફેક્ચરિંગ માર્કેટમાં કાર્યરત છે. આ માર્કેટ નાણાકીય વર્ષ 2026માં આશરે ₹249 અબજનું હોવાનું અનુમાન છે. કંપનીના જણાવ્યા અનુસાર, વધતી સ્થાનિક માંગ, ગ્રાહકોની ખર્ચ ક્ષમતામાં વધારો અને સરકારના પ્રોત્સાહનોને કારણે આ માર્કેટ નાણાકીય વર્ષ 2030 સુધીમાં ₹513.80 અબજ સુધી પહોંચવાની શક્યતા છે.

આ પણ વાંચો: ચીનની સોનાની ચાલ, ગોલ્ડ ઈમ્પોર્ટમાં શું આ વર્ષે તોડશે 10 વર્ષનો રેકોર્ડ?

IPO માટે BRLM તરીકે કોણ જોડાયું?

Ekaa Electronicsના IPO માટે Motilal Oswal Investment Advisors Limited અને Shannon Advisors Private Limited બુક રનિંગ લીડ મેનેજર્સ (BRLMs) તરીકે કામ કરી રહ્યા છે.

આ પણ જુઓ

Watch onYouTube